中大因迎新營嘅有味口號，令大學搞到失晒威，好多中大人士都感到好痛心。署理校長金耀基對於學生肯道歉，坦言感到欣慰，認真無奈。金耀基話，講性沒有問題，但大學最緊要有「品味」，對於呢場風波嘅口號，佢就大歎「我不喜歡」。
講開中大友，原來傳媒中人張圭陽個仔，今年又係中大新生，唔知佢有無嗌埋一份呢？
另外，所謂蛇無頭而不行，中大走咗個李國章，𠵱家正忙張羅。對於熱門人選丘成桐，金耀基大讚佢係一個好嘅數學家，但就唔評論啱唔啱做校長。佢只開列咗一個條件，呢個新校長一定要懂得兩文三語。話時話，搵港大校長徐立之都搵咗成年，睇怕中大都需要一段時間。不過，金耀基好樂觀，中大咁好，一定會有好多出色學者有興趣。
傳真︰2623-9278
電郵︰