二十八歲內地血癌女子黃詩蓮，經過五期化療後，癌細胞初步受到控制，並於今天進行骨髓移植。「好開心，我細佬嘅骨髓同我脗合，可以捐畀我，希望做完骨髓移植之後，我真係好得番。」身處隔籬病房的阿蓮氣若游絲地說。
在骨髓移植前，阿蓮接受鞏固化療，每天服一百三十多粒藥物，亦出現過暈眩、嘔吐、脫髮等副作用，但阿蓮咬緊牙關熬下去。「雖然手術得五成機會，但我選擇博一博，醫生話如果唔博，生存機會好渺茫，我唔捨得鄉下嘅爸媽。」
一生坎坷的阿蓮，經歷過不少不如意的事，去年六月旅港期間，發現患上急性血癌，生命危在旦夕，急需延醫，當時身無長物、彷徨無助的她，全賴本報讀者捐款支持，才能夠存活至今。「呢段日子，真係好多謝、好感激《蘋果日報》嘅讀者，如果冇你哋嘅支持，我都唔知點算。」
然而，經過一年多的時間，阿蓮坦言，善款已差不多耗盡，不禁令她再次焦急起來。「因為就算今次手術成功，我重要留喺香港覆診一段長時間，暫時唔可以返鄉下，生活會好成問題。」阿蓮祈盼善長能再次伸出同情之手，助她度過這個生命難關。 捐款編號：C0330
暖流熱線
電話:29908688
傳真:23702192
電郵:
網址：