有「大羅」之稱的羅德丞，雖然已經絕迹政壇，但發生喺佢身上面嘅故事，依然畀好多人引以為鑑。一個喺政壇打滾好耐嘅老人家，噚日教訓助手唔好跟紅頂白，否則教訓會好似大羅一樣。故事咁啱八方經過聽到。
老人家話，記得喺八九年基本法起草期間，大羅同前港澳辦主任姬鵬飛和副主任李後混得好熟，惟獨對當時第三把手魯平有點白眼。誰知白頭魯一轉眼，到九七前特首選舉時已經係港澳辦主任。
老人家曾經問過白頭魯，大羅做特首好唔好？相信八方同大家一樣，已經估到答案。魯平冇出聲，只擰一擰頭。原來佢對大羅的表現，全部都看在眼裏、記在心裏嘞。所以話，做人千祁唔好睇人唔起呀！
傳真︰2623-9278
電郵︰