李克勤前晚在灣仔會展表演，請來黃凱芹、梁榮忠及容祖兒任嘉賓，一向直腸直肚的克勤在音樂會上「大開殺戒」，暗寸陳慧琳、楊千女華及張燊悅，連新人麥浚龍及Cookies都不能幸免。
李克勤前晚在灣仔會展舉行「唱好克勤音樂大派對」，更暗寸楊千嬅、陳慧琳及張燊悅等。在開騷後約二十分鐘，克勤見有歌迷施施然進場，即說：「喂，你哋咁遲，下次唔好呀，我好準時㗎，我冇飲減肥茶呀。」此話明顯是暗寸楊千嬅因飲減肥茶肚瀉致個唱遲四十五分鐘開騷。
後來克勤與嘉賓黃凱芹合唱後，黃凱芹欲唱新歌時說：「我好緊張，怕唔記得歌詞，不過我諗唱錯觀眾都唔知。」克勤即說：「𠵱家啲歌迷好犀利㗎，唱錯咗同咪嘴佢哋都知㗎。」說話似暗寸陳慧琳個唱咪嘴事件。
接着黃凱芹問克勤：「我都見過好多新人咪嘴，但唔識佢哋個名，不過我最想知，係𠵱家啲組合有十幾人，賺到錢點分。」克勤答道：「唔使擔心，佢哋賺到先算啦。」此話亦有寸九人女子組合Cookies之嫌。
當克勤與嘉賓梁榮忠在台上演出棟篤笑時，連克勤所屬的環球唱片高層陳少寶亦被寸，克勤表示如果環球是曼聯，誰是碧咸？陳少寶即答乃李克勤，克勤則說：「應該係張栢芝，佢哋兩個都有紋身。」
克勤再問誰是里奧費迪南（全球最高身價後衞），陳少寶說：「我哋有好多新人，余文樂同Juno啦。」梁榮忠即搶着說：「係呀，簽咗有幾千萬㗎，無論隧道口、電視、地鐵同旺角都見到佢。」此話似暗示Juno被指其父斥資三百萬讓他宣傳。
克勤後來接受訪問，被問到為何寸Juno，他說：「人與人相處要講緣份，你唔好理新聞寫乜，有好過冇。」至於指組合賺不到錢，克勤說：「我唔係針對佢哋，係戥佢哋慘，以前都有太極同草蜢，收入要分幾份，好難搵到錢㗎。」