「人哋可以有書讀，都有少少羨慕！」面對開學日的來臨，兩年前輟學的梁志勇悔不當初。「自己學歷又唔高，又冇技能，真係好難搵工。」十六歲的阿勇已失業半年，「以前坐喺課室都唔會聽書，𠵱家個個都唔請先至知讀書幾緊要！」
屯門區失學兼失業的雙失青少年特別多，有議員及社工指，主要是區內職位少、適齡就業人口多所致。家住屯門蝴蝶邨的阿勇中三輟學後，曾任快餐店侍應及跟車等，半年前開始失業。他直認曾賣過「老翻」及「丸仔」，雖是明知犯法，因「等錢用」惟有「博一鋪」！
不過，與黑幫分子交往後，阿勇的觀感是「黑社會又要呢樣，又話嗰樣，麻煩多多！」他認為，社會上沒有甚麼渠道可以幫助自己。早前八名居於屯門區的青少年相約燒炭企圖自殺，阿勇認識其中一人，並坦言明白他們的感受，但不會選擇走上絕路，只悔恨當初沒有好好讀書，學歷低成為找工的致命傷。
眼見昔日同學都在預備開課，阿勇正考慮返回以前的中學讀夜校，並決定將一頭金髮染黑，希望當年的老師不會對他存有偏見。
不願上鏡的十七歲少女Angel，失業閒賦在家半年，靠不停執屋來打發時間，在失落時更曾萌死念。去年中四輟學後，Angel曾任職髮廊和時裝店，並當過問卷調查員，惟因不夠數額要賠錢填數，遂決定辭職。近半年應徵近百份工作，始終沒有回音，令Angel自信心全失，人也放懶了。
年紀輕輕的Angel對社會抱有一肚子怨氣。她強調，很多公司都只聘請有工作經驗的人，但自己不獲聘用，又何來工作經驗？
屯門雙失青年問題嚴重，明愛青少年綜合服務社工麥磊樂歸咎於政府的新市鎮發展計劃，令屯門區人口增至四十八萬，就業方面卻未能配套接軌，年輕人要跨區就業，薪金卻普遍偏低，「有時連車費都要貼埋」！
記者：陸羽平