英國實力派男子歌唱組合Blue，日前趁首度來港宣傳之際，接受《蘋果》專訪，公開他們歎早茶的情況，三人邊吃邊談生活趣事，除了透露正在養傷的成員Lee的近況外，更大爆他平日愛挖鼻孔的壞習慣。
以發揚黑人騷靈音樂為己任的Blue很喜歡亞洲，他們曾到過台灣、新加坡和馬來西亞宣傳，除了欣賞當地的文化外，亦喜歡地道的亞洲美食，因此他們拿起筷子吃點心時，顯得易如反掌。平易近人的Simon說：「我喺十幾年前已認識一個香港朋友，喺佢身上學咗好多中國文化。」
被問到因車禍正在休養的Lee的近況時，Duncan說：「佢早排傷得好厲害，喺個肚度縫咗好多針，打咗好多嗎啡止痛，好彩冇毀容，佢休息多一個禮拜，就可以工作。」
搞笑的Simon當提到曾與Lee同居一年半時，大爆老友有挖鼻孔的壞習慣，這不只沒有影響其餘兩位成員的食慾，Duncan和Antony亦表現雀躍。Duncan更即時在飯桌上示範Lee手指挖完鼻孔後在枱上搓幾下的動作，Antony還插嘴說：「Lee喺女fans面前照挖，因為我哋做乜嘢，啲fans都咁鍾意！」
提到以前Lee在訪問中揚言喜歡Britney，Duncan和Antony亦大讚她正斗，Duncan說：「我哋都知Britney唔再係處女，但我哋今年頭見過面，佢真係好有吸引力。」
採訪、攝影：張一明