雷諾Laguna現身陳列室

雷諾Laguna現身陳列室

傳咗好耐但一直未見現身嘅新一代雷諾Laguna豪華轎車,終於響上個星期出現喺佢哋銅鑼灣嘅陳列室;雖然亞Mark所知新車車展會響今個月中舉行,但代理為吸引買家,惟有搶先做Preview,等班Sales可以Call班舊客嚟先睹為快嘛!亞Mark現場所見,呢部2.5廂式設計嘅Laguna較上一代來得更有個性同豪邁感,除高級皮椅、左右恒溫冷氣、電天窗、Xenon大燈、泊車感應器同前後6個安全氣袋連充氣簾幕外,佢重有4前速+/-半自動波跟智能防盜一按式撻車裝置,最難得佢重攞埋EuroNCAP最高五星評級嘅汽車安全大獎㖭!家陣率先打入香港嘅2.0型號,車價不過係18萬9千咋!遲吓重有頂級3.0型號㗎!想以日本車嘅價錢,一嘗咁有品味同高安全性嘅法國轎車的話,就真係唔好錯過機會喇!