羅文先生主唱的《親情》，是我最愛的中文歌曲：一、此曲無論旋律及歌詞，都令人感覺到親人之間的愛，真正做到「係有真愛見」。
不知是否因為祖籍是北方人關係，自己與家人的家庭觀念特別重，不是說南方人不注重家庭，只不過看見在香港的山東老鄉大部份均是如此，比較普遍。
兄姐雖已成家，但大家還是聚在老媽子的住處附近置業，放工後，毋須專誠約定，自自然然會坐埋一齊，食餐屋企飯。平時兄弟姊妹間偶有拗撬，但只要有事情發生，兄弟姊妹便會站起來，立場一致，槍口對外，大家有商有量，就算實質上不能幫上甚麼忙，但那份精神支持已是最大鼓勵。
做香港人就注定了要營營役役，日間工作全靠自己，做就有得食，唔做包你冇得食，六、七十年代，那時的生活應該比今天苦吧？但香港人還是熬了過來，並創出輝煌成就。那時普遍的家庭觀念應該比較濃，放工後回到家，真真正正可以放下武裝，好好地回一回氣、叉一叉電，翌日精精神神上班去，起碼知道辛勞過後還有一個溫暖的安樂窩，實用面積不重要，重要的是家人。
經濟不景當然是問題，但缺乏家庭感才是致命傷，日間工作不如意，夜間又得不到支持；又或是出盡力賺錢，但回家後只換來：「家姐畀錢我買波子」、「阿哥畀錢我去外國讀書」、「阿爸畀錢我娶老婆」、「阿媽畀錢我落仔」，不滿與戾氣自然就會出現。
傳聞快將做爸爸的松哥，下次若想再唱歌，不妨考慮一下《親情》，再唔係，唱呢首都幾好：「一支竹會易折彎，幾支竹就斷折難」。