余文樂自與台劇《愛情白皮書》女主角楊丞琳傳出緋聞後，二人昨天為宣傳《愛》劇，首次在港碰頭。不過在活動上，二人顯得十分避忌，在人前沒有傾談，反而余文樂和同劇男演員則有傾有講。
新紮偶像余文樂昨日與緋聞女友楊丞琳、彭于晏、范瑋琪和李元伯，往尖沙嘴為即將在有線播映的台劇《愛情白皮書》宣傳，為影迷簽名、蓋章兼玩遊戲，引來近二百人排隊，有fans更於早上九時許開始排隊。由於余文樂與無綫有歌星合約，其經理人與無綫商討後，在整個活動上都要說普通話。
有指余文樂拍《愛》劇時與女主角楊丞琳擦出愛火花，今次是他們傳出緋聞後，首次公開在港宣傳。不過二人經常離行離列，雖安排站在一起，但二人顯得十分避忌，男方還不敢站近女方，大合照時也要記者再三要求下，才勉強搭膊頭合照，就算楊丞琳細心遞紙巾給他抹汗，余文樂也耍手擰頭拒絕她的好意。
事後余文樂表示大家見面沒有尷尬，他說：「今次係傳緋聞後第一次一齊喺香港宣傳，我哋都有兩個月冇見，見面冇避忌。前晚因為太多嘢做，只係同到其他四位主角一齊去食糖水。我對佢哋個個都係一樣，唔會特別掛住邊一個。」另外，對於盧巧音表示與他分手後，一日沖三次涼來治療情傷，余文樂說：「每個人都有自己嘅習慣，冇乜問題，如果佢覺得咁會舒服啲咪做囉！可能佢冇問題，只係你哋（記者）誤會咗佢。」
至於前晚才來港的楊丞琳，她以廣東話說：「見面時有啲尷尬，不過我哋只係一齊拍戲，friend嘛﹗我哋好少傾偈。緋聞都係你哋（記者）傳，唔關我事，我冇錯。我覺得佢係一個哥哥，而佢覺得我好細個（指年紀）。」
採訪、攝影：魯萍、王連連