今日特區政府終於回復正常運作，因為事先張揚外遊嘅阿董，同埋靜靜雞飛咗去武漢補辦喜酒嘅阿松，都先後返港。講開阿松，佢同小伏噚日飛返香港時非常低調，極力避開記者。買港龍機票時已特別交代要保密，五點半佢兩個去到天河機場，一聽到有記者，即刻叫司機開車在機場兜來兜去，二十分鐘後先入貴賓室休息。
不過，在貴賓室嘅阿松同小伏都被人認出，大方地應空姐要求合照一張（圖），跟住就各有各忙：阿松睇當地報紙有關佢兩個嘅報道，小伏忙於聽手提電話。飛到返香港，佢哋一如以往咁神秘，坐住架落晒簾嘅房車回官邸，唔知有乜唔見得光？
八方收到堅料，仙人指路話梁太一定唔會再重返清華讀書，睇嚟真係堅過葉一堅，因為清華今日都已經開學，小伏重喺阿松身邊難捨難離。
傳真︰2623-9278
電郵︰