八方噚日收到封電子郵件，內含九張彩色「肉」照，連環追擊一對時下男女，光天化日之下，喺中西文化滙流、光影聲色薈萃嘅香港文化中心地下外牆隱蔽處，表演一種唔應該喺公眾地方表演嘅行為藝術，堂堂文化中心淪為「次文化中心」。
康樂及文化事務署回應八方查詢話，最近冇收過任何相關嘅投訴，重話香港文化中心每日都定時派遣員工巡邏，防止任何違法同未經許可嘅活動喺場內進行，而遇上違法而不道德嘅活動，必定會即時報警兼且上前制止。其實，八方都唔係好肯定相中背景係唔係文化中心，亦唔肯定相中人係咪真係被偷拍抑或作狀，事關佢哋啲動作未免誇咗些少。
﹙圖﹚其中一張「被偷拍」的照片。
傳真︰2623-9278
電郵︰