呂良偉太太楊小娟昨日往中環欣賞名牌Marni的時裝騷，對於有雜誌報道指她上周四就被指「兩頭蛇」事件召開記者會後，與老公在君悅酒店歎茶時，巧遇章小蕙，而章小蕙上前與他兩夫婦打招呼時，呂良偉即時別過面，而楊小娟則面黑黑。
楊小娟昨日頗勞氣說：「個個人都有私隱，唔係人人都鍾意過啲有記者跟住嘅生活，呢次我一定要鬧過佢（章小蕙），其實我老公一早都叫我疏遠佢。」
記者隨後往章小蕙的時裝店，章小蕙甫見記者即說：「小娟啱啱先打過電話嚟鬧我，見佢火紅火綠，我都係等佢條氣順啲先啦。」她續說：「根本唔係我爆料，對方（指雜誌社高層）要寫我都控制唔到，日日又多記者跟住我，我都係身不由己，呢件事我唔覺得有啲乜嘢錯，我只係一直以為有啲朋友係唔介意同我一齊見報，既然係咁，以後做朋友開心咪見多啲，唔開心咪見少啲囉。」
採訪：顏英儀
攝影：林德雄