鬥快換衫次次嬴
谷祖琳鍾意純情白襪仔

華納新人歌手谷祖琳（阿Jo），早前在電影《幽靈人間》的恐怖造型深入民心，令她人氣逐漸上升，最近亦進軍樂壇。其實谷祖琳平日穿衣十分簡單，但對鞋襪方面的要求卻十分注重，對乾淨雪白的白襪仔情有獨鍾。

新晉歌手谷祖琳平日最愛的便是牛仔褲及T恤的打扮，阿Jo說：「因為平時出街嘅打扮都好casual，除非係出席function先至會扮靚啲，不過最緊要都係打扮乾乾淨淨。」阿Jo最喜歡購買不同pattern的T恤，貪其方便，襯裙襯褲都可以。

睇時裝雜誌偷師
阿Jo最注重的卻是鞋襪方面，她說：「因為我覺得觀其襪知其性格，我覺得着雪白嘅白襪係愛乾淨嘅人，着彩色襪嘅人就性格大膽，鍾意接受新事物同挑戰。我平日都會着乾淨雪白嘅白襪出街。」阿Jo除了喜愛簡單整潔的打扮外，還十分喜歡歐洲及日本時裝的風格，所以她也會定期看歐洲及亞洲各地時裝雜誌偷師。

二手市場買首飾
雖然阿Jo平日的打扮十分簡約，但她也愛配上小飾物作點綴，令簡單的打扮變得精采。阿Jo說：「我平日會戴一啲小飾物點綴吓，去到外地都鍾意行secondhandmarket（二手市場）買首飾，我就最鍾意帶有民族feel嘅頸鏈。」
原來阿Jo還有一個小秘密，就是換衣服速度驚人，她說：「有時拍戲嘅時候悶悶哋，就會同其他演員鬥快換衫，不過我就次次都贏。」

鬼片收得野心攻台
入行四年的谷祖琳是導演谷德昭姪女，九八年被導演陳果發掘拍攝處女電影《去年煙花特別多》，更以這部電影提名香港電影金像獎新人獎。

十一月出新碟
今年五月阿Jo簽約華納唱片公司，首張大碟已獲周杰倫為她寫了一曲《六壯士》，她正籌備第二張唱片，計劃於十一月推出。
阿Jo剛於台灣宣傳電影《幽靈人間2之鬼味人間》返港，她說：「台灣方面對呢套戲反應非常好，希望可以好似香港咁收得。我都想開拓台灣嘅market，不過一切要等公司安排。」
採訪：JessicaNgan
攝影：MatthewLam
化妝：ChanYikCicy
髮型：LamTsoyofhipbyHairCulture
服裝及場地：AtsuroTayama（LeeGarden）