最近外國有傳媒報道，謂越野路華繼推出新版RangeRover及Discovery後，又有意於2004年推出三門版RangeRover，並配用一台4.2V8偈作動力核心，實行與寶馬X5對着幹。
該消息指出呢款三門版RangeRover，將會利用有望於2003年推出嘅新一代Discovery作設計平台，加上以一台容積為4.2公升嘅V8引擎作動力心臟，馬力輸出強而有勁外，並配用一套可調式氣壓懸掛系統，從而令車子行走任何路面都有唔錯嘅循迹表現。然而，由於新車仍在設計階段，故未有車身造型及車廂配備之確實資料，但一般相信會與現有RangeRover相近；若有進一步關於此車嘅消息的話，我哋會再為大家報道。