近日有報道指Cookies成員之一的蒲茜兒（Serena）與EO2成員洪智傑拍拖，更拍到男方現身Serena香閨樓下的照片。Serena昨日否認傳聞，並說只喜歡女孩，更承認EMI嚴禁隊員拍拖。
九人女子組合Cookies、趙頌茹（阿Yu）和余文樂，昨日往銅鑼灣時代廣場出席「香港製造」展覽會。有報道指Cookies成員蒲茜兒（Serena）與EO2成員洪智傑（Osman）拍拖，並拍到男方在她寓所樓下出現的照片。
Serena昨日說：「佢哋只係影到Osman喺我屋企樓下出現，我哋都冇一齊，周刊出嗰日，我已經主動打電話問公司點處理，公司百分百支持我，呢件事已經交咗畀律師處理，但我都幾嬲㗎。」問她是否喜歡Osman這類型的男仔，她卻搖頭說：「我鍾意女仔。」不過Serena承認EMI曾下旨嚴禁她們拍拖，她說：「公司一早講咗，短時間內唔准拍拖，我哋又忙，而且重細個嘛。」
有傳阿Yu取代張栢芝，接拍新一輯佳能相機廣告，阿Yu昨日說：「我唔係頂替栢芝，我何德何能吖？只係一個新人，我係幫佳能拍廣告啫，栢芝拍嘅時候都好耐，每期都要轉吓人嘅。」阿Yu表示有五位數字酬勞，她笑言要儲錢買跑車。
此外，余文樂、台灣演員楊丞琳、彭于晏、范瑋琪和李元伯合演的台劇《愛情白皮書》，將於本月二十二日在有線娛樂台播映。
余文樂與舊愛盧巧音分手時，有傳楊丞琳是第三者，問余文樂今次楊丞琳來港做宣傳，會否覺得尷尬？他說：「唔驚尷尬，冇得避，順其自然啦，見到面咪打招呼囉！」
余文樂昨日與彭于晏、范瑋琪及李元伯在尖沙嘴拍攝《愛》劇製作特輯，由於余文樂與無綫有歌星合約，故他事前已通知無綫，他說：「大家溝通過唔會有問題。」
採訪、攝影：魯萍、駱華齡