明天就係開學的大日子，各位媽咪為小朋友準備好返學用品未呢？若你呢一刻還未準備好的話，唔使驚，不妨跟小記一齊去各大$10場，睇睇小記為大家精心挑選嘅各款開學用品，由文具到返學的小配件如毛巾盒等都有，款靚價錢又抵，確實是經濟低迷時的最佳選擇。
記者：區佩嫦
攝影：陳智良、周旭文、陳穎
ImageKid：漪嫚、Natalie、Tom
好多小朋友都返全日制學校，有咗呢個飯盒，以後就有最好的住家飯食。這個的的骰骰的飯盒，設計簡簡單單，而且重可以放入微波爐，媽咪朝早煮完愛心飯，叮一叮再攞去學校，仔仔囡囡就有愛心飯食啦！
尺寸：約15cm闊、9cm深、6cm高
售價：$10（千色店）
食愛心午飯當然要自備餐具，好似呢款有齊叉、匙、筷子嘅餐具套裝就啱晒小朋友，食完飯後將餐具放番入盒就得，唔怕餸汁整污糟書包內的書簿。
售價：$10（千色店）
好多小朋友都會帶水壺返學，點可以唔介紹水壺套呢？呢個棉質水壺套，啱500ml的水壺或礦泉水樽使用，袋口以索繩式設計，可固定水壺，加上備有長肩帶，攜帶方便。
尺寸：約6.5cm闊、19cm高
售價：$10（千色店）
天有不測之風雲，想買件雨褸放喺書包，呢款$10一件嘅雨褸就最啱不過。雨褸有斗篷款及有袖款式，質地與一般雨褸差不多，不過勝在摺埋後夠晒輕巧，每款都有不同尺碼，適合不同年齡的小朋友穿着。
尺寸：適合2歲至10歲
售價：$10（千色店）
除咗書包外，小朋友都會攞個環保袋放飯盒、美勞體育用品等，$10場其實都有好多靚靚環保袋，好似呢個用牛仔布製成，配上彩虹布帶綑邊的手挽袋，一啲都唔似$10貨，夠晒抵買！
尺寸：約24cm闊、9cm深、27cm高
售價：$10（吉之島）
平日放濕毛巾的毛巾盒仔，相信係時候要換一換，不妨選擇呢個多啦A夢毛巾盒，上面印有多啦A夢的得意公仔，盒入面放條細細哋嘅濕毛巾就啱啱好。
尺寸：約12cm闊、8cm深、2.5cm高
售價：$10（日本城）
小朋友最鍾意外形過癮的文具，好似呢幾嚿以蔬果為造型的擦膠，極受小朋友的歡迎。擦膠一包有三款不同的造型，好似有番茄、蜜瓜同檸檬；豆、番薯和粟米……甚至連日本天婦羅及人形動物都有，種類夠晒多，價錢又比市面平大約$5-$9，是筆盒裏的最佳點綴品。
售價：$10（吉之島）
鉛筆是最實用的文具，呢包鉛筆套裝，筆嘅表面印有可愛嘅熊啤啤公仔，一啲都唔單調，一包有成17支，計落$1都唔使就有一支，的確是場內的抵買之選。
售價：$10（日本城）
仔仔囡囡最鍾意就係畫公仔，當然要揀番啲美勞用品畀佢哋。這款蠟筆是小記的心水選擇，其最大特點是，只要在畫好的蠟筆畫上掃層薄薄的水，便可以搖身變成水彩畫，你甚至可以將蠟筆刮成碎粒，加水使用亦可。蠟筆備有大細兩款Size，細盒有12種顏色，而大盒則有10種色彩。
售價：$10（吉之島）
呢款筆記簿，由小朋友鍾意的卡通圖案到大人喜愛的簡單格仔款式都有，共有十多款之多，而且一本有成30頁，夠晒份量。
售價：$10（吉之島）
吉之島十元廣場（34282138）
銅鑼灣京士頓街9號家居廣場1樓
千色店$10樂之選（27068068）
將軍澳新都城商場二期二樓
日本城$10特價區（27144267）
旺角窩打老道73號地下