歐寶車廠繼推出新一代Corsa車系後，最近又公布咗關於新款MerivaMPV嘅詳細資料；新車除造型圓渾有致，夠晒突出吸引之外，頂級版一台1.8公升引擎更能為其帶來充裕嘅動力輸出㖭。
略帶有同廠新款Corsa影子嘅Meriva，線條圓渾有致之餘，直立式尾燈組合，更能為尾隨車輛帶來明確提示；車廂布局配搭，亦與其他MPV一樣來得靈活多變，座椅可按需要收摺放平，以增加尾廂容量外，長達2630mm嘅軸距，亦能營造出闊大嘅車廂空間㖭。中控台設備又見齊全，加上鋪排得簡潔有序，用落十分方便。
然而，廠方預算為Meriva提供多個引擎配搭選擇，當中包括1.6及1.8公升引擎，馬力輸出數值為75匹至125匹。未知香港代理方面，有無興趣將之引入呢？