暑假一眨眼就放完，小朋友都係時候要做好開學準備。除了書簿文具，有一樣同樣重要嘅就係小朋友嘅早餐。而事實上早餐對小朋友好重要，驚太趕忙煮唔切早餐嘅話，就可以𠵱家入定啲微波爐點心放喺屋企，又或者係有益嘅穀類早餐。呢排惠康正做緊呢類食品嘅特價，不妨去看看。
記者：謝翠玲
攝影：伍慶泉
Model:SammyfromImagine
小朋友要返學，當然唔似暑假時一樣，跟爸爸媽媽去酒樓飲茶食點心。不過媽媽都可以趁特價，買定啲點心放喺冰箱嘅。𠵱家淘大點心正做特價，各類嘅點心包括牛肉、蝦餃、珍珠雞、燒賣，同埋雙拼點心都係一樣價錢，每包唔使十蚊，非常抵食。
原價：$15.9/包
特價：$9.9/包
其實咁多種點心之中，最飽肚又方便做早餐嘅食品應該算係腸粉。啱啱公仔腸粉有買一送一嘅特價，特價嘅即食腸粉包括有叉燒腸粉（3條）、鮮蝦腸粉（3條）、蝦米腸粉（8條），同埋跟腸粉同類別嘅雞絲粉卷（4條），腸粉爽爽滑滑，多數小朋友都鍾意食。
售價：$14.9/包（買一送一）
唔想小朋友早餐食得太多太重份量，可以考慮以穀類食品做早餐，有高纖維和多種營養，而且勝在食起嚟唔怕麻煩，加糖加牛奶就食得。𠵱家家樂氏穀類早餐重全線八折，更加經濟抵買。其中香甜玉米片同朱古力格格脆本身帶有甜味，小朋友就最鍾意。
香甜玉米片原價：$19.4/盒（250克）特價：$15.5/盒
朱古力格格脆原價：$14.6/盒（175克）特價：$13.8/盒
唔鍾意食脆口嘅粟米片做早餐，可以考慮食麥片。朝早趕返學，當然以方便為主。所以即食嘅即沖麥片就係一個好選擇。𠵱家雀巢嘅小麥原味麥片有買一送一優惠，一盒有八小包嘅即沖麥片，一包沖一杯，就算唔知醒起身都仍然可以飽肚返學。
售價：$16.7/盒（買一送一）
雖然仍有一段時間先到中秋節，但𠵱家已經陸續開始見到有月餅賣。而且𠵱家買月餅重有特價，比臨到中秋節時先買更抵。好似𠵱家買嘉頓雙黃蓮蓉同雙黃白蓮蓉月餅，每盒都特價平咗成幾十蚊，買多兩盒送禮就夠經濟。
雙黃蓮蓉原價：$168/盒特價：$126/盒
雙黃白蓮蓉原價：$180/盒特價：$135/盒
Dreyers雪糕口感幼滑，一向都有好多捧場客，但平日要五十幾蚊一盒，都幾揦脷。𠵱家所有946毫升裝嘅Dreyers雪糕都特價。Dreyers雪糕有多種口味可以選擇，包括薄荷朱古力碎、雲呢嗱朱古力碎片等。
原價：$52.5/盒
特價：$43.9/盒（946毫升）
雖然話好多唔同嘅油都話對身體有益，但中國菜煮起嚟着重香氣，所以油味較濃嘅花生油始終好受歡迎。今次獅頭嘜嘅花生油罐裝做緊特價，每罐平成十幾蚊。油係每天煮餸必備嘅材料，多入兩罐都無壞。
原價：$73.8/罐（2900毫升）
特價：$59.9/罐（2900毫升）
牛奶呢種有益嘅飲品大人細路都啱飲，而尤以發育中嘅小朋友更要多飲。保利牛奶𠵱家做緊特價，所有產品都有八折優惠，而其中以其三盒裝嘅全脂保鮮裝牛奶最值得推介。一排有三盒一公升裝嘅全脂牛奶，味道更香濃。
原價：$43.9/排（1公升x3盒）
特價：$27.5/排（1公升x3盒）
果汁都係早餐嘅好選擇之一，𠵱家買新奇士果汁嘅大支1.5公升裝會比普通裝更加抵，𠵱家特價嘅價錢幾乎係原來嘅半價。
新奇士大支裝除咗有最熱門嘅橙汁之外，重有蘋果同提子味可以選擇。買齊幾種味道就日日轉口味都得。
原價：$23.2/樽（1.5公升）
特價：$11.6/樽（1.5公升）
小朋友返學好多時都會鍾意小息時買吓嘢飲。如果怕佢哋自己會亂買汽水，飲太多無益，可以直接每日交一盒飲品畀佢哋帶返學，豆奶比汽水會較有益。維他奶除咗原來嘅原味豆奶同麥精之外，其實重有其他嘅口味，包括椰汁豆奶同朱古力豆奶，同樣啱小朋友口味。
原價：$17.2/排（250毫升x6盒）
特價：$11.5/排（250毫升x6盒）