開學在即，不少學童早已執拾好書包，準備迎接新學年的開始，然而，即將升讀中一的阿萍和阿茵這對孿生姊妹，至今卻連課本也未買。「我哋啲同學個個都買齊書，淨係得我哋一本都未買，因為爸爸媽媽冇錢。」小姊妹異口同聲地對記者說。
十二歲的阿萍和阿茵，生長在清貧家庭，父親任職導遊，受市道不景氣影響，近一、兩年經常開工不足，母親在快餐店工作，收入微薄，一家四口生活捉襟見肘。「市道真係好淡，今年到𠵱家都只係帶過幾團去東南亞，我份工又冇底薪，手停口停，好多時都係靠太太份糧撐住頭家，成日入不敷支。」孖女父親林先生無奈地說。
雖然家庭經濟欠佳，父母可以提供的資源亦有限，但卻無礙阿萍和阿茵的學業成績，其中妹妹阿茵，今個學年更考獲全班第六名的佳績，令林父大表安慰。「佢兩個都算乖，希望升中之後，成績都可以保持落去，𠵱家最擔心係唔夠錢畀佢哋開學。」
事實上，為了替一對女兒添置新校服，林父已大費周章，委實無力再掏出五千元替她們購買書簿。「我同家姐都唔介意用舊書，不過，好多書都改咗版，唔啱用，想幫爸爸、媽媽慳啲錢都唔得。」生性乖巧的阿茵說。蘋果日報慈善基金有見阿萍和阿茵家境貧困，仍勤學可嘉，特從「童夢成真」專戶撥款五千元，助她們購買書簿之用。
捐款編號：C0121
暖流熱線
電話：29908688
傳真：23702192
電郵：
網址：