世界自然基金會頒獎典禮噚晚舉行，56間支持環保嘅公司得到曾蔭權頒發紀念品，因為煲呔曾係該基金會副會長。
李澤鉅代表長江出席，係基金會嘅「熊貓企業夥伴」，原來要平時不時贊助，先有得做「熊貓」。小超人顯然有備而來，會後向記者一輪嘴數長江嘅環保生意，話要打破一般人覺得環保一定係賺少啲、使少啲嘅概念，證明環保都可以生財。佢一開始雖然話「我唔想今日好似（長江嘅）業績報告」，但後來講完一樣又一樣，愈數愈high，“Icangoonandon!”最後一句「今日背書背到呢度」結束長篇大論。不過一聽到記者問佢點睇港深澳大橋，小超人面色一變，重拋低一句「我𠵱家係用緊私人時間答你，再講就唔使走！」
（圖）小超（左）代表長江領獎。
傳真︰2623-9278
電郵︰