何鴻燊：畀條生路細佬

【本報訊】一向「牙擦擦」的賭王何鴻燊，昨日卻低聲下氣以「細佬」自居，公開呼籲作為「大佬」的香港馬會「畀條生路細佬（澳門馬會）」。他期望兩地馬會下月可以開始討論澳門計劃接受投注賭香港馬的問題，然後達成一個「互惠、互利、互信的協議」，營造雙贏局面。
作為澳門馬會主席的何鴻燊，昨日在澳門舉行記者會，形容香港、澳門親如兄弟，雙方有共同利益，應竭誠合作。

「唔希望兩地政府尷尬」
他說：「（澳門計劃設立彩池賭香港馬）唔希望令兩地政府尷尬、唔希望令兩個社會不安，故此我哋做細佬嘅，冇所謂嘞，行先一步，請大佬同意坐埋嚟傾。現在大佬接受就最好。」
「我哋只希望解決問題，冇所謂輸贏……希望佢賺多啲，我賺多啲，我又可以繼續，唔使減薪裁員。」
何鴻燊昨日擺出的低姿態，與八月中公開表示正申請九月一日開始在澳門接受投注賭香港馬時的氣燄迫人，有天淵之別。