特首董建華為咗提升班高官嘅領導能力，喺下禮拜三搞首長級研討會，有資格參加嘅都係年薪十三萬元以上，職位在助理署長或以上之高官；唔單止咁，到時重會宣布設立一個高官網頁：“Leader'sCorner”，專畀班高官喺網上互相切磋。
公務員事務局話咁做並非暗示班高官領導能力唔夠班，而係貫徹董特首強調要不斷提升個人能力之宗旨。主持研討會嘅陣容當然唔嘢少，除咗由董特首向高官致開幕辭，跟住出場係政務司司長曾蔭權、中央政策組首席顧問劉兆佳、做過司級高官嘅九巴董事長陳祖澤、行政立法兩會前議員李鵬飛、傳媒前輩吳明林等。不過，個研討會只得兩個鐘，啲講者一人講得嗰十分鐘，又真係傳授到幾多嘢呢？唔通真係高人講嘢，高官學嘢，貴精不貴多？
傳真︰2623-9278
電郵︰