（一）咁多年來最鍾意哪件波衫？
阿丘：新一季阿積士粉藍色作客波衫。
馮奇：九九年香港奧運隊白色作客波衫。
（二）咁耐最「肉酸」邊件波衫？
阿丘：所有有繩嘅波衫。
馮奇：喀麥隆雞翼袖波衫。
（三）邊位球星着波衫最好睇？
阿丘：巴西蘇古迪斯。
馮奇：意大利巴治奧。
（四）邊位球員着起波衫最「肉酸」？
阿丘：亨利（對襪笠過膝頭不知所謂）。
馮奇：巴拉圭守門員捷拉華（着到好臃腫）。
（五）歷來最經典波衫？
阿丘：胸口有兩個大Ｖ嘅精工。
馮奇：球王比利年代巴西主場。
（六）歷來最有創意一件波衫？
阿丘：九八世界盃有火燄圖案嘅日本隊戰衣。
馮奇：今屆世界盃Nike設計嘅雙層波衫。
（七）乜嘢顏色波衫最好睇？
阿丘：紅色。
馮奇：白色。
（八）今屆英超波衫全部曝光，最特別邊件？點解？
阿丘：最特別係阿仙奴，因為胸口個「Ｏ２」好似Ｔ恤圖案。
馮奇：列斯黃色作客波衫，因為班球員着起上嚟好醒神。