無綫劇集《回到未發時》昨日在將軍澳新廠舉行開鏡拜神儀式，主要演員包括吳啟華、葉童及黃卓玲等均有出席。
吳啟華昨日公開與女友金巧巧分手，他說：「總之我冇第三者，亦諗得好清楚，其實有好多問題出現，好似傳媒煲水新聞，話我同Ada（蔡少芬），又話同趙金卿一齊，佢要信，我都冇辦法。」
昨日有報道指前無綫女藝人陳安琪涉嫌綁架被捕，曾經與陳安琪合作演出的黃梓瑋及黃熹旋（前名黃月明）均認為陳安琪為人低調，黃梓瑋說：「其實佢𠵱家冇簽無綫，平時好少聯絡，係之前拍《男親女愛》識嘅，見佢個人平時好靜，唔係個好誇張嘅人，我今日睇到報紙都覺得好誇張，冇諗過佢會係咁。」
此外，跟陳安琪同名的黃安琪昨日接到無數電話，她說：「其實我噚日病，點知接到好多電話，又有七、八個留言，都係問我喺邊，做緊乜，今朝上網睇報紙先知乜事，都係誤會一場。」
採訪：楊潔雯 攝影：何國豪