坐咗咁多年飛機，啲飛機餐愈來愈好食真係值得一讚。以前出門，八方必定做足十二分嘅準備，帶備平日喜愛嘅零食及杯麵，以免坐足十幾個鐘之餘，重要捱極度難啃嘅飛機餐！
幸而今時今日，飛機餐已經提升到名店級嘅水準，最近港龍就宣布乘搭北京及上海航線嘅頭等及商務客位乘客，可選擇鴻星海鮮酒家嘅食品，又或者可以嘗嘗正宗意大利口味，選擇Sabatini餐廳烹調的美食。回程嘅時候，就由香港洲際酒店欣圖軒精製多款中菜，包括潮陽煎蝦餅、豆酥蒸滑雞，同埋百花煎釀帶子。
雖然香港飛上海或北京只不過係短短幾個鐘，但可以喺機艙上食到精緻美食，相信會令眾多來港嘅旅客留下美好印象。
傳真︰2623-9278
電郵︰