亞視行政總裁陳永棋（圖）呢排好紅，無論身在何處仍被追問亞視股權消息。八方噚日早上在廣西招商活動上見到佢，佢猛話無論個人或亞視大股東今日亞洲，都冇洽購麗新發展所持的亞視股權。但佢前日才承認洽購亞視，咁係咪自己家族或家族持有的上市公司洽購該批股份呢？
至於傳話全國政協副主席霍英東有意洽購麗展手上的亞視股權，八方噚日喺同一場合見到霍老，佢亦否認，並表示對亞視股份無興趣，亦沒有就收購該批股份與麗展榮譽主席林百欣接觸。
另外，陳永棋噚晚以中華廠商會會長身份出席晚宴致辭時，突然批評日前一份英文報章錯誤引述佢有關設立邊境加工區的意見。佢話該份報章寫到佢好似反對設立邊境加工區，隻字不提他指製衣業可藉此機會搬回本港的看法。最精采係佢最後盛讚《大公報》正確引述他的意見，收到收到。
傳真︰2623-9278
電郵︰