香港十幾個民間團體代表和政府代表團，呢幾日齊齊到咗南非約翰內斯堡，參加世界可持續發展高峯會議，加埋世界各路英雄，共有六萬多人齊集南非。
由於人太多，主會場容納不下，搞到主辦單位聯合國突然宣布，要入場人士再排隊攞另一個入場證，而香港民間團體亦都唔例外，同其他數千人排咗成粒鐘攞證，攞唔到嘅就冇得入場，認真狼狽。
可惜輪到周二入場時，單位又話先到先得，一班香港代表團辛苦輪候嘅入場證作廢，難怪唔少人都呻笨。香港嘅民間團體咁有心，排咁耐隊都係想入場參加會議；但唔知呢個時候，同場嘅香港政府代表團又做緊乜？八方都希望佢哋都有份，而唔係開小差是也。
傳真︰2623-9278
電郵︰