向來語出驚人的李國寶，昨日心情大靚，於是又再爆肚。佢話，已多次向梁錦松及任志剛表白，銀行界希望挽留聲名卓著的金管局副總裁Carse簡達恒在約滿繼續留任，搞到在同一酒會之Carse不知幾尷尬，被記者追問時一味腼腆地笑。
寶哥哥更巨細無遺地描述Carse考慮約滿返英國的因素，原來係佢太座想返回老家，因為女兒及女婿均在英倫，自然想退休後一家團聚。
寶哥哥又大歎簡達恒今年先至五十幾歲，後生過佢咁多都話退休，佢自己六十幾歲「重要做」；點知Carse亦相當幽默，窒番李國寶一句「因為你大使過我」。
傳真︰2623-9278
電郵︰