最近外國方面有消息傳出，謂法國標緻車廠正落力研製一款體積與原有106車系相近嘅城市小車，據聞新車有機會被命名為007之餘，而且重會係與日本豐田車廠合作研製嘅新車款㖭。
該消息指出，雖然新車只有五門掀背型號供用家選擇，但嬌小玲瓏嘅車體設計，卻予人有耳目一新之感；而一組低斜頭燈組合，重帶點標緻206車系嘅影子㖭。車廂空間不但寬敞實用，而設備配搭亦以實用為主；但由於新車仍在設計階段，故有待廠方公布有關資料後方可作實。引擎配搭方面，暫時知有一台1.1公升電油，及一台1.4公升柴油引擎供選擇，馬力輸出各有不同，以迎合不同用家需要。而消息亦指出，新車將冠以標緻廠牌於歐洲地區銷售，而中國等亞洲市場則會冠以豐田品牌發售；有興趣嘅車迷，就要留意新車嘅推出日期喇。