與張栢芝曾傳緋聞的陳小春，昨晚在金鐘萬豪酒店出席一個酒會時，記者見他戴上一隻極閃亮的耳環。問他佩戴的耳環有多少卡，小春說：「一百卡……講笑啫，我哋戴玻璃，鑽石係Edison（陳冠希）啲有錢仔戴嘅。」
記者問小春是否知霆鋒與栢芝復合的傳聞？他說：「唔關我事，問番佢哋囉。如果係咁（復合）咪好囉。」但當提到栢芝的C&N情侶紋身，小春竟酸溜溜地說：「好囉，心心相印。我聽日都去紋9999千足金呀。」
此外，前晚在鍾鎮濤的演唱會上，阿倫譚詠麟揸着高爾夫球車，車上坐着陳友和阿強，在紅館兜了兩個圈。阿倫突然間暗寸謝霆鋒，叫他以後不要揸快車出街。阿倫說：「等我試多幾轉先，話畀霆鋒知呢架車都好好㗎，都係好刺激，好過出街玩啦！」
而狄波拉昨晚看鍾鎮濤的演唱會時，亦表示不會過問兒子霆鋒的感情事。
採訪、攝影：王連連、陳志嵐、馮美茵、黃文成