早前向法庭申請個人破產的鍾鎮濤（阿B），前晚在紅館舉行演唱會中，獲母親贈送一個以紙幣摺成的花環，他表示十分感動。而阿B一眾圈內老友譚詠麟、張學友、陳慧琳和許志安等都出席任嘉賓。
鍾鎮濤前晚在紅館舉行「真心伴我行」演唱會，並請了不少樂壇老友出席撐場，包括前溫拿成員、張學友、陳慧琳、許志安及李克勤等，阿B的一對子女鍾嘉浚及鍾嘉湄與已離婚的阿B父母都有捧場，而范姜則全程在控制台上打點。
鍾嘉浚在演唱會上，獻上一個以紙幣摺成的花環給父親，阿B說：「呢個花環係我媽咪送、叫個仔幫我戴嘅，我幾乎感動到喊。」
阿B個唱嘉賓之一陳慧琳出場時，拿着一卷廁紙說：「係校長（譚詠麟）叫我畀佢嘅，因為知道阿B鍾意表演嘅時候做嗰件事，去廁所做嘅大事呢！」而阿B則笑說自己等了十年才開演唱會，一定會忍一忍。
另外，銀幕上不停播出阿B相片，最後播出阿B、范姜和一對子女的新全家福，阿B說：「我九九年除夕喺梁朝偉屋企過年，飲咗好多酒，作咗呢首歌《故事繼續》，估唔到歌詞到𠵱家都重啱用，我唔想故事繼續落去，但係冇辦法。」
至溫拿樂隊出場時，阿倫駕着高爾夫球車繞場一周，並說：「畀阿B上車先啦，難得佢有車坐，第日可能連人力車都冇得坐吖！」
安哥後，阿B又說：「有啲嘢會隨風吹走，有啲嘢就吹唔走。富貴如浮雲，一個人嘅才華、人格同埋經歷，係跟住一個人，打大風都打唔甩嘅。」阿B欲走入後台時，一對子女跑出來攬着他，場面感人。
採訪：王連連
攝影：陳志嵐