早輪，亞Mark話過今年英國蓮花Elise會有一連串新動作，想唔到轉眼間，佢哋運嚟限量版嘅EliseType72之後，上星期尾佢哋又運到Elise頂級版嘅111型號。雖然賣相跟原有Elise無大分別，唯獨有17吋跑車合金胎軨、車尾雙出式輔有放氣活門嘅排氣喉，以及車尾整流底板設計，均有異於一般Elise，換裝咗一台1.8公升路華K系嘅直4DOHCVVC引擎，馬力更由原來120匹，躍升至156匹咁多㗎！加上車重不過806kg，難怪佢0至100公里嘅加速度，僅為5.3秒咁快啦！但最令車迷喜出望外，會係佢嘅定價不過係43萬8千元咋！若然你有興趣，想擁有一部系出跑車名門嘅開篷Roadster的話，咁就真係要行快步喇！