若然要問全世界邊度有最好味嘅嘢食，相信十居其九必定會答阿媽煮嘅最好味，有見及此，店主Sherman便在中環這個永遠熱熱鬧鬧的商業區，開了間名叫「天味茶館」的台灣料理，以簡單樸實的裝修、不花巧的地道台菜，再加上大廚的改良和創意，盡量保留材料的原味等等作為賣點，建立一個與別不同的「家」，讓客人有回家吃飯的親切感！
記者：黃婉冰 攝影：林栢鈞
台灣菜以濃中帶酸見稱，而醋和香料更是他們必備的調味料之一，雖然款式不多，但只要經過不同配搭，做出來的味道都會有所分別，想知道怎樣才算是好食的台菜，就先要從各種調味品的特性和味道入手。
台灣人出名嗜麻辣，麻辣火鍋食得多，用這種辣味搬到羊扒上是大廚的創新配搭。新西蘭羊扒經過恒溫真空處理，未經急凍，可保存肉汁亦可留住鮮味。麻辣味來自一種叫川椒花的香料，連同蒜頭、鹽等作調味，先煎封，鎖住肉汁，再邊烤邊塗上自調的迷迭香汁，燒至八成熟便可。
「羊扒夠鮮嫩，經過改良，味道較適合本地人口味，辣度只屬中辣，以麻辣味道配合羊肉，做法比較創新。」
三杯雞從何時何地傳入台灣已無從考究，但無可否認已被視為台灣菜的代表之一。傳統台式的三杯雞會在細小的鐵鍋內，先後倒入三種不同的調味料，將雞件爆香，經大廚改良，其中的米酒已加入木魚片熬半個鐘，再加入蒜頭、連皮薑母、九層塔及葱等將雞爆香，再用火滾住，熱力令醬汁保持原味。
「呢度個環境比起同區附近餐廳舒服，好清靜，無加一，價錢都唔算貴，係同區中較為經濟而又好坐嘅餐廳。」
牛柳粒是大廚取材自當地一間意大利餐廳的牛扒，牛柳粒同樣是用恒溫真空處理，為食出鮮味，不加任何調味醃製，只用泰國辣椒乾、黑椒作主味，再以番茄、黃椒吊出辣味，酸辣兩味俱全，牛柳先煎後炒，令肉汁無處可逃。
「牛柳粒好鬆軟，夾埋黃椒一齊食好清甜，味道調校得啱啱好，環境幾清靜，與同區茶餐廳價錢差唔多，幾抵食。」
滷肉飯完完全全跟足地道製法，所用的豬腩肉一定要五層肉，即一層皮，一層肥膏、肥肉、瘦肉、骨共五層，豬肉會先起骨，用台式醬油、川椒、香葉、八角、米酒、糖等以慢火滾至腍身入味，糖及酒都有催化作用，所以煮出來的五花腩才變得入口即化，油而不膩。
蚵仔煎在台灣煎出名堂，另一地道小吃蚵仔卷同樣受歡迎，以春卷皮取代潤皮（即米漿皮），內包韭菜粒、炒香的豬肉碎、蚵仔（蠔仔）、芹菜粒，捲起再炸，春卷皮比潤皮來得脆口，蘸辣醬食，是一道別具風味的下酒菜，新張期內晚市每圍枱送一碟，當小食最好不過。
藍色天鳥$28
鮮甘笋苦瓜汁$20
店內飲品共三十多款，除珍珠奶茶外，店主Sherman自己亦設計出多款特飲，花生搖擺用粗粒花生醬、特濃咖啡溝成，杯邊是朱古力醬，無糖水成份，花生醬的花生粒做出較強口感。藍色天鳥成份有無酒精成份的香橙甜酒、梳打水同雪糕，透徹的藍色夠晒冰涼感。健康的有各款鮮榨蔬果汁如甘笋苦瓜汁，以大量甘笋的甜味將苦瓜的甘苦味蓋過，令味道取得平衡。
電話：25218988
地址：中環士丹利街34號1樓
座位：76個
營業時間：早上8時至晚上10時半
付款方法：現金及信用卡(Visa,Master,AE,Diners)