早前，歐寶車廠宣布快將推出一款名為Signum嘅新車；此車造型不但擁有一份吸引力之餘，闊落車廂空間及強勁性能表現，亦為新車賣點所在。新車造型與同廠嘅Vectra相近似，就連尺碼亦見接近，但軸距卻較Vectra長多130mm（達2830mm），從而可營造出一個寬敞闊落嘅車廂空間；另一方面，流線型車體及粗壯C柱設計，亦為新車造型帶來一份活力感呢！除此之外，車廂布局亦見豪華，除後排座椅椅背可作調校，令乘客可有更舒適嘅坐姿㖭！車內更備有桌几、杯座及車頂儲物箱等等，以求為乘客帶來更多方便。
廠方亦預算會為全新Signum，配用兩台分別為2.0公升Turbo及2.2公升嘅引擎，馬力輸出數值為前者175匹，以及後者155匹，務求迎合不同用家嘅需要；而且新車重會配用多項嶄新設備，以求增強車子嘅性能表現、操控性以及路面循迹性。有興趣嘅朋友，就要密切留意新車嘅確實推出日期喇！