章小蕙被裕泰興追債二億五千萬元，早前高等法院聆訊官以簡易程序判裕泰興勝訴，毋須開審案件便可討回巨債，事後章小蕙提出上訴，昨日獲裁定上訴得直，章小蕙欠債一案須排期審理，相信此官司又要拖上一段日子。
就與裕泰興的官司上訴得直，案件可獲押後再審一事，章小蕙昨日在中環回應說：「總算鬆一口氣，我已經打晒電話畀父母報喜，我除咗要多謝喺呢八個月幫我處理單case嘅兩位律師外，最多謝係我媽咪，佢平時一見記者就掉頭走，但係佢今次好勇敢咁幫我說話。另外我亦有打電話畀Edmund（陳曜旻），我同佢講我贏咗官司，可以上訴。」但章小蕙表示陳曜旻沒有支持她打這場官司。
問章小蕙認為今次能上訴得直的原因是甚麼？她說：「律師話我只可以講呢一句，就係：『其中一個重要答辯理由係同利率計算有關。』我想講，有啲嘢係要門當戶對嘅，搵人告都要搵啱對象先得。」
對於章小蕙上訴得直，裕泰興董事羅守耀昨日在其中環辦公室接受訪問時說：「我重未知公司會唔會上訴，我對呢次判決唔失望，只係多咗功夫。」而代表章小蕙的律師盧錫駒則在其旺角律師樓表示：「呢次勝訴只係畀章小蕙繼續答辯嘅機會，再開審最快都要出年。」
此外，章小蕙前夫鍾鎮濤（阿B）宣布破產後的首個演唱會，昨晚在紅館開鑼。阿B聯同其女友范姜素貞及一對子女、陳慧琳和譚詠麟等，在演出前齊集後台拜神。
阿B前晚的演唱會，好友梁朝偉、呂良偉夫婦、黃家諾和向海嵐等均有往捧場。開騷前現場播放了一段聲帶，公告不准錄音，但卻在尾段加插了「唔准講人是非同作大，要帶備真心入場」。而阿B一開場時，穿上花恤衫和牛仔褲獻唱《讓一切隨風》。
採訪：駱華齡、王連連、梁錦雯
攝影：羅德光、陳志嵐、陳烱威
案件編號：HCA5453/2001