老董終於肯放假，真係大好消息，雖然有人話畀八方聽，佢老哥已經冇咗以前咁搏命，唔再做7-11，但係品性難移，叫佢放下、不理仍然唔容易。
聽講，今次董生一家會去福建武夷山遊玩，為期唔夠一個禮拜，董生得到中央咁信任，回國多些了解國情係需要嘅，而董太就鍾意買手信，唔知會唔會買啲靚茶葉返嚟。
老董不在，梗係煲呔頂上，做其署理特首。咁又係嘅，阿董反正民望屢創新低，不如唞下，或者會有奇迹。
噚日粵港台經濟合作論壇都認真墟冚，除省長盧瑞華之外，台灣嘅章孝嚴都有出席，重乘機大叫中共唔好咁緊張阿扁講乜嘢一邊一國論喎！而老董唔知搞乜，話會諗下簡化內地人來港，咁黑工問題佢又有冇諗過點解決呢？
傳真︰2623-9278
電郵︰