昨日有報道指廖偉雄（阿燦）近年因四出奔波工作，冷落了伴他二十年的妻子楊慧玲。
而為幫補家計才投身美容傳銷業的燦嫂，卻認識了一名新歡，當阿燦得悉此事後，燦嫂卻希望挽救這段面臨破裂的婚姻，她竟狂服安眠藥，幸好阿燦知道太太的悔意，也願意與太太重新開始。
昨日記者致電阿燦的多年好友、現任亞視高層的黎文卓求證，他在電話中說：「呢件事都已經係幾個月前發生啦，阿燦喺兩個禮拜前打畀我，當時佢話有記者問佢呢件事。我諗阿燦嘅婚姻危機就過咗，煩惱就重未解决，佢都困擾嘅。」
此外，薛家燕表示同情阿燦的遭遇，她昨日在電視城說：「早排阿燦喺內地打過電話畀我，叫我幫佢拍廣告，我亦開咗個好優惠嘅價錢畀佢，證明阿燦都好投入工作。現今嘅女性好開放，遐想可以有，但唔可以做。」