政府噚日公布高官任命，其中八方較為關注的，係老友譚贛蘭Annie（現任數碼港統籌專員）將會調職做律政司政務專員，任期由十月十五日起。八方噚晚都未搵到Annie，但佢個新聞官就話，今次係政府內部的正常人士調動，況且Annie係升職，所以大家唔使咁敏感。Annie響九九年六月起出任資訊科技及廣播局副局長（後改稱數碼港統籌專員），對傳媒都算有求必應，例如安排行家參觀數碼港、講解政府同電盈賣樓點分帳……重請人食湯丸㖭，是故一直深受行家歡迎，而Annie早前已約好一班行家，稍後入數碼港賞月，相信到時就可以問吓佢有乜感想。
至於接替佢出任數碼港統籌專員一職的，係之前負責賭博條例諮詢、有「賭后」之稱的馮程淑儀，馮太曾係陳太同煲呔曾之秘書，當然前途無限，佢在條例諮詢後放產假，已經生咗個BB。
傳真︰2623-9278
電郵︰