好多小朋友都視洗頭沖涼為苦差事，媽咪若然想盡法寶都無法令小朋友乖乖洗白白的話，不如試試以過癮的產品，吸引小朋友乖乖享受沐浴樂。最近，市面推出了一些專為小朋友而設的洗頭沐浴產品，由以玩具作為外形的洗頭沐浴產品到公仔沐浴綿都有，全部玩得又用得。有咗佢哋，小朋友以後洗頭沖涼都變得好Enjoy！
記者：區佩嫦 攝影：陳智良
ImageKids：子軒、子浩
唔係小記搞錯，呢支小朋友專用嘅洗頭水，其外形設計同真嘅GameBoyAdvance相差無幾，而且重可以當玩具玩㖭！不過玩嘅並唔係電子遊戲，而係射圈入柱，遊戲雖然普通，但不失為沐浴時的最佳娛樂。至於樽內的洗頭水含植物成份，絕對唔會刺激小朋友幼嫩的皮膚。
容量：200ml
售價：$88（JCShop）
若果小朋友連喺浴缸度都想有架車仔陪的話，媽咪不如送呢支由TAKARA推出嘅洗頭水畀小朋友。洗頭水雖然只有100ml，份量確實少，但勝在附送一架4.5cm的迷你回力車，小朋友可以一邊洗頭一邊玩車仔，增添不少樂趣。
容量：100ml
售價：$88（精思）
另一款深受車迷歡迎的便是Thomas火車，呢架Thomas火車頭，雖然唔識郁、唔識響，但勝在車頭外形夠晒維肖維妙，點睇都唔似係支洗頭水，洗頭水的樽口是Thomas的煙囱位，設計特別。洗頭水的果味夠晒香噴噴，無論外形同香味均甚得小記歡心，絕對是送畀小朋友的最佳禮物。
容量：150ml
售價：$48（精思）
哈姆太郎可算是近期的新偶像，上至大人下至小朋友，對哈姆呢隻葵鼠仔都無所不知。若你係佢嘅Fans，不如買呢支哈姆太郎洗頭水，洗頭水含牛奶成份，具有不俗的保濕效果，不過即使洗頭水有無保濕功效，對於Fans而言，個Packing先係最大賣點，加埋鼠耳仔形的樽蓋，真係人見人愛。
容量：150ml
售價：$48（精思）
女仔對車仔興趣不大，那麼對美少女的鍾愛程度又如何？這盒專為浸浴而設的入浴劑，相信一定啱小妹妹心水，只要將入浴劑放入浴缸，一缸能解疲勞兼具保濕功效嘅浸浴便大功告成。浸浴充滿濃郁的蜜桃香味，除咗是嗅覺的最佳享受外，媽咪重可以同埋囡囡一齊浸，增添親子樂趣。一盒有兩包入浴劑，重附送美少女噴水玩具，夠晒好玩。
售價：$48（精思）
嫌一般手套擦唔到背脊，不如選擇呢個手長腳長的沐浴海綿。長條形的身軀內藏着海綿，濕水後特別柔軟易擦，若想擦背的話，小朋友可以一隻手拿着小怪獸的雙腳，另一隻手則拿着掛繩，咁就可以舒舒服服擦背啦！
尺寸：約58cm長、14cm闊
售價：$60（city'super）
想小朋友養成自動自覺沐浴的好習慣，一些得意的小工具絕不可少。好似呢幾個音樂沐浴球，全個用Polyester製成，質地柔軟。選用紅、綠、藍等顏色，夠晒搶眼，加上球上的布公仔點綴，小朋友絕對會愛不釋手。
尺寸：16cm闊
售價：$22（city'super）
小朋友最鍾意熊啤啤，若果有小熊陪你沖涼，相信你一定唔捨得離開浴缸。呢隻毛巾啤啤名叫Mimi，樣貌夠晒Cutie，其實佢係沐浴海綿，小朋友可以享受啤啤帶給你溫柔體貼的擦身之樂。
尺寸：約16cm長、9cm闊
售價：$36（city'super）
精思（31015033）
尖沙嘴海洋中心347號舖
city'super（25062888）
銅鑼灣時代廣場地庫一層
JCShop（31022783）
銅鑼灣時代廣場833號舖