新人周英杰加盟英皇唱片後，工作不多，他對此顯得甚為不滿，前晚出席首映禮時更炮轟公司。周英杰形容跟英皇的關係是很久沒見面的朋友，更言：「我覺得自己好似退出咗。」周英杰雖有五年長合約，但他表示會在十月離開返英國念書。
英皇新人兼大狀清洪契仔周英杰、馬詩慧、傅佩嘉和陳霽平等，前晚在尖沙嘴海運戲院欣賞新片《單親插班生》首映。周英杰雖簽約英皇，可是卻被投閒置散，令他甚為不滿，前晚在首映禮上更出言炮轟所屬的唱片公司。
就前晚所見，周英杰的身形似乎胖了些，問他好像跟英皇的關係不太好，周英杰說：「我好耐冇見公司啲人，我嘅求知慾唔強，好多嘢緊張都冇用，我緊人哋都唔緊，好多嘢應該人哋嚟搵我。記得我最近一次同公司聯絡，大約係兩個月前，佢哋同我講話嚟緊嘅周一會派歌上台，我平時都唔聽收音機，所以都唔知派歌嘅情況。」
問到周英杰可覺得自己與英皇的關係十分僵？他說：「大家冇接觸，我哋好似好耐冇見嘅朋友。」英皇力捧三T小花，問周英杰可會妒忌？他說：「幾好囉，成日見報，我唔會妒忌人哋，亦唔會畀壓力自己。」問他可有就此事跟契爺清洪商量？周英杰說：「冇喎，契爺係個容易擔心嘅人，我冇話佢知，唔想佢擔心，我會自己解決。我覺得自己好似退出咗，自己嘅工作量同做partime一樣咁少，我諗十月會返英國讀書，繼續讀埋個課程，如果公司叫我返嚟工作，我都會返。」
問周英杰跟英皇的合約有多久？他說：「五年，我唔係解約，可能今年唔係咁好。」周英杰前晚戴了綠水晶和黃水晶手鏈，希望改善運程。
記者就周英杰的不滿，致電英皇高層霍紋希，她說：「呢件事可能係誤會，我哋要了解吓先，其實公司都好重視佢。」
採訪：汪正文
攝影：黃文成