寶蓮禪寺監院釋智慧呢輪好似好低調，當規劃署喺上個月推出興建東涌吊車嘅昂平旅遊發展大計之後，曾經大力反對東涌吊車計劃嘅智慧法師，至今都未正式發表過意見，但係寶蓮寺同寺方嘅各界好友就意見多多，佛門一啲都唔清淨。
身兼全國人大代表嘅釋智慧話，唔適合公開回應，但係寶蓮寺就喺上月底開始發起簽名運動反對喺寶蓮寺附近發展旅遊走廊，前日又有五十個佛教團體喺報章大賣廣告，反對政府收回寶蓮寺附近土地發展旅遊項目，噚日更主動向傳媒發放鄉議局、全國人大港區代表薛鳳旋、王敏剛，同民建聯蔡素玉嘅反對書。一輪急攻之下，睇嚟規劃署同城規會有排煩。
（圖）智慧法師曾經大力反對東涌吊車計劃。
傳真︰2623-9278
電郵︰