香港呢個商業社會，甚麼都要講求包裝同宣傳，而近期流行嘅產品代言人伎倆，亦響車行中應運而生。早前，響富士有唔錯表現嘅EddyWong，自從過檔到嘉信出任舵手，掌管愛快、蓮花同林寶堅尼之後，可謂搞得有聲有色，新車嘅知名度更要較前提升不少㖭！
而亞Mark最近又收到風，話遲吓愛快部辣版156GTA跑車到港，佢哋重會搵嚟型男方中信，做愛快汽車嘅代言人，實行以型男配型車，盡現拉丁跑車嘅真我一面咁話㖭。查實，據知部愛快156GTA，未到港經已收到唔少訂車嘅Order，據聞遲吓佢哋重會有一大輪攻勢；相信愛快嘅知名度，會係輸港以來最厲害嘅一頁。