近年LCD大受用家歡迎，致勝之道除咗比傳統CRT大芒慳位得多外，極低輻射亦係主因之一。隨住LCD日漸普及，好多生產商都一味只以平嚟吸引用家，有好多型號質素差強人意，今日介紹呢款SunEastAT002，採用A級Panel製造，配合獨特嘅六層安全強化玻璃，不但可保護屏幕免致刮花，而且重具有抗眩光防護功能，大大減低受LCD易受環境光線影響之弱點，令用家長時間使用都較舒適。SunEastAT002最高解像度支援1,024×768，而且有零死點保證，質素比一般平價型號好得多，不過由於成本關係，SunEastAT002比一般15"LCD為貴，街價賣緊$2,960。
吋記者：徐影龍