早陣子，打入香港市場嘅福士Polo車系，備受唔少年輕車迷追捧，皆因呢部小車子設備齊全之餘，重有唔錯嘅性能表現㖭！之不過，新車賣相卻來得普通一點，稍欠個性一面。然而，德國Caractere汽車改裝公司，繼早前給奧迪A4推出全套包圍，廣為車迷接受之後，最近佢哋又替福士Polo，設計出全新包圍組件，一體式泵把連大型氣霸、全新鬼面罩、車身兩邊裙腳，重有尾定翼同車尾整流器等等，令原本斯文嘅Polo，變得活力十足兼充滿勁度㗎！據知，整套Caractere包圍噴油連裝工，都不過係2萬蚊之內；有興趣嘅朋友，不妨致電TWAutosport（21420001）查詢一下。