容祖兒（Joey）前晚出席新城一個活動時，又唱又跳，但當Joey發現衣服扯高了，便立即拉拉上衣，原來她是想遮掩腰間的「豬腩肉。」事後Joey說她不想只唱歌，所以配上舞蹈，還自言舞蹈很有舞台感。
盧巧音、容祖兒和蘇永康等，前晚在九龍塘的大學會堂出席新城娛樂台的「新奇士原創新KIDS選拔賽」，三人在台上施展渾身解數，不過Joey載歌載舞時，上衣經常縮起，不慎露出了腰間的「豬腩肉」，但她亦十分醒目的不時把上衣拉回原位遮掩「豬腩肉」。
事後Joey說：「我唔想齋唱咁悶，我啲舞步同Twins唔同，佢哋係派對feel，我係舞台feel，而Yumiko就係高䠷feel。我覺得英皇真係好似超級巿場，乜都有。不過我最欣賞係阿梅（梅艷芳）嘅舞姿，但大家都好忙，唔會跟佢學，如果我掛住係佢徒弟個名會有好大壓力。」
而盧巧音前晚則大發台瘟，一度忘記新歌的歌詞。盧巧音說：「我對自己呢次嘅錯失好唔開心，我唔可以原諒自己，希望下次唔好。我以前都試過走音，我覺得唔係幾好，睇貓紙都唔好。如果唱得唔好，咪應該進修唱好啲。」
此外，康仔在台上的演出，大受觀眾歡迎。康仔早前勒戒後回港，他不停吃喝以致心廣體胖，康仔說：「十日肥咗十磅，真係乜仇都報晒。」
有傳康仔好友許志安近日為了經理人黃柏高過檔EMI，卻不帶他離開，顯得悶悶不樂，康仔說：「我覺得應該唔係，噚晚（即前晚）同佢打波都冇嘢。」
採訪：王連連
攝影：仇志德