昨日會展舉行嘅「公務員管理研討會」，係總薪級表三十四點以上，即月入五萬以上嘅中高級公務員嘅「必修課」。四日中點都要揀半日參加，連警隊一哥曾蔭培﹙圖﹚都唔例外。可能為咗避嫌，阿哥煲呔噚日上午主持開幕，一哥就參加噚日下午嘅環節。
點知一入場，台上主持開幕嘅阿松啱啱開始致辭，全場熄燈，一片漆黑，一哥都嚇一跳：「好黑啊！」有記者講笑咁話：「咁黑，會唔會有罪案㗎？」一哥都好風趣，即刻回應：「你覺得安全受到威脅咩？唔使驚，有我喺度。呢度重有好多警察！」
至於同其他九個唔同部門嘅公務員同一組，人哋有冇驚咗佢？一哥話，大家都咁高咁大，自己都反映咗唔少意見。
傳真︰2623-9278
電郵︰