新一屆行會申報利益告一段落，雖然卿姐重唔肯放手，要求更多資料。八方反而對梁振英﹙圖﹚今年做多咗好多間公司嘅董事甚感興趣，因為佢除咗自己嘅戴德梁行外，重多咗泛華、道亨同兩間新加坡公司嘅董事。最近八方一見振英哥就問佢，係咪因為唔使做召集人，所以得閒咗好多？
據佢老哥講就另有原因，佢主要係答應做新加坡發展銀行集團（DBS）非執行董事。DBS買咗香港嘅道亨同海外信託銀行，所以佢就做埋呢兩間公司嘅董事。DBS原來正計劃大舉進軍大陸市場，香港肯定可以發揮跳板效應，振英哥為咗加強溝通，欣然接受DBS嘅邀請做董事。嘩！真係抵得諗！
傳真︰2623-9278
電郵︰