時事評論員何安達除咗針砭時事了得，做公關亦叻，例如訓練人公開演講。
早前青協個訓練「青年立法會議員」活動，請咗佢做嘉賓畀意見。
何安達一於用特首做反面教材，好似大家成日聽特首﹙圖﹚話「好有信心」、「會全力以赴」等等口號，除咗聽到悶，聽到瞌眼瞓外，重有另一個問題，就係閉上眼在腦海中，唔能夠將聲音化為畫面，即係太抽象。
佢重講咗一個有趣嘅統計數字，原來上次布殊對戈爾嘅美國總統大選，電視台畀到每位候選人嘅Soundbite（聲音片段），平均每次只有七點二秒，每秒都好似黃金嘅珍貴。我哋嘅特首呢，原來威過美國總統，平均有十點五秒。
不過，佢話長未必等於好，每句話都要「刨尖」，先可以吸引到人。
傳真︰2623-9278
電郵︰