噚晚商台四十三年台慶，雖然遠遠比唔上前幾日新城台慶咁巴閉，冇高官明星到賀。但商台創辦人、年逾八十嘅何東爵士之子何佐芝一向低調，所以冇得講啦，亦毋須比較。五六年何東逝世，何佐芝就靠遺囑分畀佢嘅五萬元起家；五九年創立商台，到𠵱家四十三年，收聽率都咁高，值得恭賀。八方特別鍾意聽「十八樓C座」，其實特首聽多啲肯定有好處。
噚日到場嘅重有大班鄭經翰同陸叔陳永陸。大班一見陸叔就整蠱佢，當眾猛咁讚佢面色紅潤，紅粉緋緋好似擦咗粉。見陸叔鬼咁尷尬，大班重愈玩愈開心，一陣話陸叔似哥哥張國榮，一陣又叫陸叔教吓佢，點可以保持得咁青春。其實，大班都保養得唔錯吖，幾時過番兩招畀八方呢？
﹙圖﹚鄭大班與陸叔十分好傾。
傳真︰2623-9278
電郵︰