股市淡靜，不過金魚缸不乏話題，皆因有四份中文報紙以全版廣告刊登一封公開信，題為《布殊總統不接受虛假帳目，香港政府是否容忍虛假交易？》署名者為「一群愛國愛港的心」，重寄埋畀江澤民、朱鎔基、胡錦濤、董特首、梁錦松及馬時亨。內容大致指，香港股市充斥損害投資者利益的虛假交易，要求當局設法制止，不過，就沒有具體指控對象。
近期確實有被指損害小股東利益的交易，例如「寶途國際」出售最賺錢的聖誕樹業務；「寶福集團」以高價買入資產等。本月中有「寶福」小股東曾刊登全版廣告，向梁錦松及馬時亨申訴，指該公司「用一億元買一粒擦字膠」。不過，政府將個波踢給證監會，證監推畀港交所，港交所表示若交易依足法例，奈佢唔何，如常官僚。
昨日個全版廣告，升級到直達北京，政府不得不回應。馬時亨透過發言人表示，絕對不能容許虛假交易，他已知會證監會注視有關指控及跟進；又呼籲登報者應盡快與證監會聯絡，提供資料，以便證監會採取進一步行動。證監則表示，若有虛假交易情況，會交予警方商業罪案調查科跟進。
八方問過班寶福小股東，佢哋話昨日個廣告唔係佢哋登，係咪其他股東就唔知。八方打聽過，是一位C君出面，聯絡報紙登廣告。至於點解咁大手筆則無從稽考。
傳真︰2623-9278
電郵︰